رومنسى

مابيك تستغرب إذا قلت مابيك

قلبي من اللي صار غير كلامه





تدري وش اللي حدني يوم اناديك ؟

بودعك واقول معا السلامه





بودعك وانسى زمانك وماضيك

وداع من ذاق الجفا والملامه





لكن , ودي أسألك قبل اخليك

وابيك تعطي للسؤال إهتمامه





في ذمتك , وشلون غيرتني فيك !

وخليتني استغرب غلاك ونظامه ؟





وانا عشانك كل ما تطلب يجيك

رفعتلك هامه ونزلت هامه





ماعاد لك في داخلي حي يبكيك

صدري قِبَر كل الحواس بعظامه





اغليك ! صح , انا اشهد إن كنت انا اغليك

والحين راس المال منك السلامه





لا تقول ليه ؟ وكيف ؟ وشلون ؟ وشفيك ؟

ماضيك يعطيني لبكره علامه





ماودي اضيع حياتي بأياديك

دام إن من عزك تنزل مقامه





غلاك ماعلمك تكسر تغليك ؟

وغلاي اثبتلي الوفا والشهامه





كافي نضيع وقتنا في بلاويك

ما يرجع اللي راح كثر الندامه





وإن ضاقت الدنيا بزحمة طواريك

الليل الاسود مايطول ظلامه





والحين تعرف ليه انا قلت (مابيك)

وقلب ٍ يحبك ليه غير كلامه





ودعتك الله لاتجيني ولا أجيك

ولاعاد تسأل خاطري وش علامه





ولا تنصدم من بسمتي يوم احاكيك



احيان تلقا بالجريح إبتسامه !

شكرا لك